Tratamendu bakoitza berezia da, ez dira bi berdin. Sendaketarako, pazientea beraren baliabide fisiologikoak baliatzen dira, beraz animaliaren egoerak definituko du tratamendurako teknika; eta kasu guztietan, animalia entzunez eta berarekin elkarlanean egiten dut lan.

Albaitaritza osteopatiako tratamenduak organismoa sakonean hunkitzen du, beraz posible da ehunak mugitzea, emozioak azaleratzea, aspaldiko minak berpiztea… Horregatik saioaren ondoren animalia egun batzuez pausatzen utzi beharko da, egindako lana bere erritmora barnera dezan. Organismoak oreka berria progresiboki atxemanen du egun edo aste batzuetara. Bilana saiotik 3 astera eginen da.

Albaitaritza osteopatia saioen kopuru eta erritmoa, kontsulta bakoitzaren bukaeran erabakiko da: kasu gehienetan, lehen saioan disfuntzio nagusiak desagerrarazten dira. Batzuetan, lehen saiotik hilabetera osteopatia lana jarraitu behar izaten da. Kasu larri jakinetan, egun gutxiko tartearekin egin behar izaten dira saioak. Aldiz animalia prebentiboki segitua baldin bada, urtean 2 saio egitea aholkatzen dut.

Albaitaritza osteopatia ez da beste tratamenduen ordezkoa. Uztargarria eta osagarria da. Eta albaitaritzako tratamendu klasikoekin sinergian aritu daiteke. Beraz prozesua zuen ohiko albaitariarekin harremanetan egingo dugu.

Kasuaren arabera teknika ezberdinak baliatzenditut, gorputzak galdutako oreka berreskuratzen laguntzeko eta organismoa beraren sendatzeko ahala berpizteko: teknika kraneosakralak, faszialak, erraietakoak, muskuloeskeletikoak, energetikoak, biodimanikoak...